الدنيا أوقات
أوقات يا دنيا معاكي بعيش و سعات مبفهمكيش و إنتي و لا فاهماني أوقات بحس إن أنا مجروح عايش حلاوة روح و دمعتي محوطاني.... صابر عاللي بيجرالي و إنتي لا ليكي عزيز و لا غالي ليه ؟
أوقات في عز العتمة بشوف و سعات بموت مالخوف و غصب عني بداري بحلم يعدي علية الليل منغير عذاب و لا ويل وتحسي مرة بناري .... صابر عاللي بيجرالي و إنتي لا ليكي عزيز و لا غالي ليه؟
أوقات بتخدي أعز الناس و أقول نصيب و خلاص و أصبر على أحزاني أوقات بحب قلوب بتبيع و في ألف لحظة بضيع و برضه مش حساني الآه.... صابر عاللي بيجرالي و إنتي لا ليكي عزيز و لا غالي ليه؟
posted by change destiny @ 1:53 AM
12 Comments:
متفقة معاك إن مفيش حد يقدر يغني الأغنية زي فؤاد . بس مش معنى كدة إن صوته أحلى حاجة فيها لأن التكامل إللي في الصوت و اللحن و الكلمات هو اللي بيخلي للأغنية دى طابع خاص
و على فكرة معظم اللي بيحبوا الأغنية دي بيحبوها علشان بتوصف حالهم أكتر من حال الدنيا
بحب الغنوة دى
صوت جيل كامل
خوليو : جايز تكون صوت جيل كامل بس أنا بحب أتصور إنها بتاعتي لوحدي
إنت أيه اللي فكرك بأغنية زي دى ؟
ahmed shokeir : الدنيا :)
بحلم يعدي عليه الليل من غير عذاب ولا ويل وتحسي يادنيا بيه
7ader : دة حلم البشر كلهم بس معتقدش انه ممكن يتحقق
اول كلمه قريتها م الاغنيه دى ضحكت اوى....ووالله العظيم فى عز الضحكه دمعت....مش عارف ايه بس اللى خلاكى تفكرينا بالاغنيه دى..انا ما صدقت ابطل اسمعها....وابطل اغنيها.....الاغنيه دى قدر....
اكتر كوبليه فيها حاسس انه مكتوبلى هو اوقات فى عز العتمه بشوف وساعات بمووووووووت م الخوف وغصب عنى بدارى وبحلم يعدى عليا الليل من غير عذاب ولا ويل وتحسى مره بنارى
اااااااااااااااااه يادنيا.......والف ااااااااااه ياليل
نسيت بس اقول تعليق صغير على كلام السيد العضو المحترم ذو الاذن الموسيقيه الطويله ديل بيرو....كلامك مظبوط طول عمرك ياواد...
واحب اهنيه -لااسكت الله له حساو كمله بعقله وحبب فيه خلقه-
اهنيه على اختياره لكلمة عذب...وللعلم اصلها عذب وهى على وزن فعل...دا انا ح افعل فيك افعال...جبتها منين دى ياد..عذب؟
وادعوه وارجوه الا يطيل علينا الغياب ويرحم شرابه اللى داب وسلامى الى كل الاحباب
hold me on : تحس ان كل واحد من اللي بيحبوا الأغنية دي بيحس ان في جملة معينة مكتوباله
الكلام ده حرام عشان كل المعانى تعنى للخالق مثل كلمه الدنيا الزمان المكان والله حرام انا على فكره بحب محمد فؤاد شكرا
انا مش ارهابى ولا مخبى فى دقنى رشاش انا شب بيحب الدنيا لكن احب الله افضل طبعا متزعلوش
Post a Comment
<< Home