حدوتة مصرية ... حدوتة عصرية
كان يا مكان كانت لما تمسك قلم تلاقيه بيجري لوحده عالورق القديم , تلاقيه بيسبق إيدها و بينقل خطوطه من روحها , ينقش عالورق حكايته كأنه تحفة نحاس تحت إيد فنان من فنانين الخان . و دة كان زمان
كان نفسي أعرف إزاي و ليه فسألتها , قلتلها: ليه سبتي القلم ؟ جاوبت و قالت: من الألم . اتنهدت و قالتلي : كتر الألم سكت ألم كان يوم في إيدي ما ينتهي منه الكلام نسى شفايفي الابتسام .قلتلها مش فاهمة الكلام قولي كمان
قالتلي : دمعك يعني إيه؟
قلتلها : نظرة حنين تتلاقى مع همسة ألم في وسط شوق و خوف و موت و يكونوا كتلة ندم , تنزل تداوي القلب من الأحزان
قالتلي: أنا دمعي مش كدة . أنا دمعتي صرخة شجن متجمدة ,علقانة جوة عيوني متوجعة , بردانة لكن مولعة , تنحت طريقها لبرة بالسكاكين و تسيب مكانها نردين من أنين .
كتر البكا علم عيوني تحبس الدمع الحزين ليلاقي صوتي اللي ضاع وسط السنين
قلتلها : بس . فهمت مشكلتك
ضحكت و قالت: هاتي ما عندك
قلتلها: مشكلتك حبة جنان على حبتين نسيان . كتر الهموم خلاكي تتنفسي اهات , تعيشي ما بين الذكريات , تفتكري إن الوقت فات
نسيتي الضحكة قد إيه حلوة و الفرح قد إيه محتاج عشان يكبر حنان . و إن المشاعر السمرة هي اللي بإيدها شكلت معنى الحضارة و ا دمية الإنسان
بذمتك مش دة اللي كان ؟
قالتلي من الصبح صدعتينا تفتيح في البيبان , تدوير في ماضي كنا و كان . زهقتيني و أدي القلم هاتي الفرش و بالتة الألوان .
posted by change destiny @ 4:12 PM
12 Comments:
who the hell wrote that ?? it is nice and deep somehow
grayfox : i did and i'm glad you like it :)
سنك صغير بس دماغ كبيرة ..بس مش لسة بدرى شوية على الكآبة و الغمقان ده و لا إيه؟؟
بعد الطوفان والجو شبورة: أولا , شكرا على تعليقك . ثانيا ,مدونتك رقيقة جدا . ثالثا , معلش بقى شيبنا بدري :)
M.Y. : The light is all we have got . :) i'm not feeling sad . it's something i wanted to write so i did LOL
The grandson : Thanks .pleased to meet you and hope we'd stay in touch .
Thank u for ur opinion about my blog, and happy to meet u , i like ur world ,ur words , it seems u listening to Pink Floyed band ,
" there is no dark side of the moon .. in fact it's all dark "
nice to see u again.
Yasser
بعد الطوفان والجو شبورة: great to know you type english . Hope to see some english posts on your blog soon . I like rock . But not pink floyd . Their lyrics is graet though . I think we'll be seing eachothers a lot these days :) glad to know .
ماريو البورسعيدى : شكرا على المجاملة . و حاضر حكسر كل باب يحاول يحدني . بس إنت اللي حتحاسب عالبيبان المكسرة
:)
ok , i think soon u will see english post , but really i like arabic more .. i write english only when i feel that i can't say in arabic and when i'm shy .. that's all .
سمعت
وعاجبني فيكي اصرارك
وعلي راي جاهين
انتي شاب لكن عمره ولا الف عام
بعد الطوفان والجو شبورة: I write in english when what i'm writing about is more about logic and sometimes because i get the feeling that noone except me would understand ... Funny but true .
7ader : شكرا بس للعلم أنا مش عندية للدرجة
كتر الألم سكت ألم كان يوم في إيدي ما ينتهي منه الكلام نسى شفايفي الابتسام
آية الكلام الحلو .. بتعرفي توصلي للحتة اللي جوة قوي داخل كل واحد بيقرا الكلام دة ويحس انه برضة من جوة طالع
تحياتي
mfm : شكرا . شهادة أعتز بيها
Post a Comment
<< Home