بابا جة بابا جة
أبي يعمل في احدى البلدان العربية . كان من المنتظر وصوله يوم 18/1 و لكن تلقينا منه اتصال ليلة أمس يقول فيه أنه قادم اليوم . و أنا لدي امتحان غدا . قامت والدتي بالاتصال بأختها لمساعدتها في تجهيز البيت و الأكل .( أما عن ميعاد الكوفير فانسى ) اليكم احدى حوارات الثلاتي اليوم
أنا : (أفكر في سري ) ايه دة هو أنا محدش عملي أكل من الصبح ليه . طبعا بابا جي و البيت يضرب يقلب .بس أنا عندي امتحان بكرة و مش فاضية أعمل حاجة قال يعني بذاكر . أقوم أحسن هي هي . إلا هو أنا جعانة ازاي صحيح . هو أنا مكلتش من الصبح دي الساعة أربعة و نص . ياة دة أنا مكلتش امبارح أساسا . ياة دة أنا مكلتش من الغدا بتاع أول امبارح . (ملحوظة مش من قلة الأكل بس أنا سعات بنسى )...خلاص حقوم ااكل
مررت بالصالة و الصالون متجهة الى المطبخ
خالتي : معدية كدة مش تقولي حاجة بعد الترويق اللي احنا روقناهأنا : اسفة . فعلا المكان شكله اتغير خالص . ربنا يخليكم لنا
عديت على الصفرة و دخلت المطبخ
أنا : ايه الجمال دة يا ماما . المطبخ يجننماما : قصدك ايه يعني ؟ هو أنا مش بنضف غير لما باباكي يجي
أنا : هو أعلق ميعجبش ماعلقش ميعجبش اتفقوا بقى
أمي ( قصدي مامتي عشان ميجلهش روح معنوية ) خرجت مسرعة من المطبخ . و أخذت أكتشف ما به . المطبخ بالنسبة لي مكان غريب لا أعرف عنه شيءا . أدخله لعمل القهوة و الكابتشينو و الشاي فقط لا غير . من المفارقات الغريبة اني اكتشفت الشهر اللي فات ان البوتجاز بيشتغل بالزرار مش بالكبريت . سبحان الله . حدوتة تانية أحكيهالكم بعدين. أمري لله ما دام مفيش أكل أعمل لنفسي كبتشينو
أنا : حد عايز حاجة تتشرب ؟ماما : كوبيتين قرفة بالنعناع
أنا : نعم !!!! طب مين القرفة؟ و فين النعناع؟
و بعد تلت ساعة من العمل الشاق في المطبخ
ماما : انتي لسة بتعملي ايه عندك؟أنا : الله بدور على الحلبة اللي انتم عايزينها
ماما : أنا قلتلك قرفة أهي يا ستي
أنا : أحط معلقة في الكوباية ؟
ماما : لأ نص
و أثناء شرب المشاريب في الصالة
ماما : ننوستي حبيبتي هو احنا مجوعينك ؟ أقوم أعملك حاجة تكليها ؟أنا : يا ريت يا ماما . دة أنا حموت من الجوع
ماما : طب قومي . سخني حاجة من اللي في المطبخ
أنا : دة أنا عندي امتحان بكرة . دي أيام الدلع على رأي العلايلي كان بيقول ان على أيامه مكنش بياكل الايس كريم غير مرتين في السنة مرة في العيد و مرة قبل الامتحان بيوم و كان ايسكريم باتا بس ياللا
و بعد دورة بحث أخرى في المطبخ وجدتها وجدتها برتقانة برتقانة هييييييييييييييييييه و لا الحوجة
posted by change destiny @ 7:10 PM
32 Comments:
تعرفي انا كل ردودي عليكي فاكرك ولد
حتي لما كنتي بتردي عليا
ما مانش فيه كلام كده زي الضماير علشان تقول انك بنت
انا اسف
انا اسف
انا اسف
انا اسف
انا اسف
انا اسف
انا اسف
انا اسف
انا اعتبرها غلطه لا تغتفر
ولكن اسأل الله في قلبك الرحيم ان يغفر
انا بضرب نفيس كل يوم علشان ماعرفتش من اول لحظة
انتي بنت وستين بنت في بعض
انتي بنت وستين بنت في بعض
انتي بنت وستين بنت في بعض
انتي بنت وستين بنت في بعض
انتي بنت وستين بنت في بعض
انتي بنت وستين بنت في بعض
انتي بنت وستين بنت في بعض
ارجوكي تقبلي الاعتذار
سؤال بقي ع الماشي
يعني ايه change denisty
كان لازم اعرف من اول مررة ان الكلام ده ما يطلعش غير من بنت
وبنت زي العسل كمان
انا اسف
انا اسف
انا اسف
انا اسف
انا اسف
افهم من كدة انكم مش حاتاكلوا غير يوم 18 يناير!!!
هما بنات اليومين دول نا يعرفوش حتى معنى كلمة مطبخ إلا صحيح معناها ايه؟
sph1nx :لا في بيتنا في حجات كتير محدش سمع عنها قبل كدة منها أنا :)
adamelmasry: :)
يا عم ولا تضرب نفسك و لا حاجة و لا يهمك . أنا خدت بالي من أول مرة رديت علي فيها . بس قلت أشوف حتاخد بالك امتى .
change destiny : معناها"غير القدر" أو " غير المصير " . بيقولوا الحذر لا يمنع القدر فبقول قدرك انت اللي بتشكله . مش الظروف و مش الزمن . فكرك انت اللي بتعمله . أصل في الأول و في الاخر اللي غيروا الدنيا هما اللمجانين اللي في يوم حلموا و قرروا أحلامهم يحققوها
egiziana : نورتي المدونة . لأ خلاص بابا جة و أكلنا و الحمد لله
islam yousef : مطبخ . اسهجاها كدة؟
sa7ten ... and bon appetite' anyways
دا انا الي جالي روح معنوية و الاربعة سلتبيس الي في مخي ضربوا...عموما اتمني لك التوفيق في الامتحانات
بلوج جميل :)
grayfox : thanks . but you could have got me sthg to eat .
ka3'eem : labsny moseeba ba2a . mo5ak darb mn elawel . ana magetsh gmbak :)
محمود عزت : شكرا و يا رب تزوره دايما
ههههههههههههههههههههههههه
احمدى ربنا انك ماشاركتيش فى تجهيز مراسم الاستقبال
بالمناسبة دا مش ان لوحدى اللى شجاع وبيقول رايه فى سره
طبعا انا اخدت بالى انك مأشرتيش لنتيجة محاولة عمل القرفة التى كادت ان تصبح حلبة لكن هى اتفهمت ضمنا انك اكيد عملتى لماما سحلب بالمايونيز
عموما اتمنى انك متكونيش خسيتى اكتر من عشرة كيلو
واضح انى هاجى البلوج هنا كتير لانى مفتقد الدم الخفيف ده فى البلوجات
taher : مراسم الاستقبال!!!!!!! دة انت شايل من نحيتي قوي يا طاهر . و بعدين من خاف سلم و الجري نص الجدعنة و في وجود مامتي بيبقى الجدعنة كلها
mr-biboooo : ايه يعني حطيت النعناع بالعود؟ ايه يعني زودت الرفة زيادة عن اللزوم؟ ايه يعني اتغلى زيادة عن اللزوم ؟ المهم النية .
سيبك , تنور و تشرف و تأنس
Ana mesh fahem 7aga.. begad !
Anyway i'll try after awhile, may be it is a problem in GSM Network!
men dol :P
It's not a big deal . Don't use your brains out . :)
هههههههههههههههههه انتى كنتى ممكن تختصرى الكلام ده كله فى كلمة واحدة
ماما انا عايزة اكل
شفتى السهولة؟ هههههههههههههه احفظيها كدة وكررهيا معايا
ماما انا عايزة اكل
ماما انا عايزة اكل
ماما انا عايزة اكل
ماما انا عايزة اكل
:P:P:P:P
أهم حاجة بابا كل وشبع ولا لا؟ :D
الانسان احيانا كثيرة يكون جعان وينسى نفسة
ودة بيكون بناء عن تفكير واشياء تشغل الانسان تجعلة ينسى ان ياكل
ولكن المعدة لاتعلم التفكير والمشاغل بعد فترة معينة تاتى فترة الاحتاج ولا امام الانسان غير تلبية الاحتاج ونادء المعدة
وصحة عافية
وحمد الله على سلامة السيد الوالد
تسلمى ومشكورررررررر على البوست الحلو
حلوة روحك الحلوة دي
شكرا علي التفسير
شايل من ناحيتك ليه
طب انا غلطان
شاركى فى مراسم الاستقبال علشان تفرحى
من كنس ومسح وطبخ و و الخ
بالتوفيق
حمدلله على سلامة بابا ..و شدى حيلك ف الإمتحانات ..
المهم في الموضوع إن بابا يكون جايب معاه أكل
طبعا باهزر .. حمد الله ع السلامة
Nice post, i think he is there already, allah y7fath your father and your family :)
m-elsewedy : طب و الله فكرة !! حبقى أجربها المرة الجاية بث دة لو علفت أحفظها لوحدي
tamer : الله يسلمك
adamelmasry : العفو يا فندم
taher : العفو و السماح يا فندم . اخر مرة و الله
بعد الطوفان و الجو و الشبورة : الله يسلمك . و شدهولي انت أنا مش عارف
mfm : و هو يقدر يجي منغير شوكلاتة؟ الله يسلمك
daredevil : you are right . he's home . And thanks for dropping by my blog .
عاشق البنات : طويل العمر يطول عمره و يزهزه عصره و ينصره على من يعاديه هاي هيء . شكرا للزيارة
شكرا لمرور الكمل و أهلا بكل زوار أول مرة
صراحة عاجباني الحياة العائلية دي
تحسي كده إنكوا عيلة دماغ
ahmed basha shokeir : ahlan b3awdetak elmashkora . w mabrok el7g 3o2balna game3an
. ama 3an el3a2la fhya dma3'fo2 matetsawar . be5tsar 3a2ela entsab
أغلس عليكي
و للعلم أول مرة آخد بالي إنك واحدة مش واحد
الإمتحان كان في إيه؟؟
:0p
ههههههههههههههههههههههههه
ايه انتى انضمتى لجبهة التشريفات ولا ايه
ولا مش طالبه معاك بدوين
ولا من لقى احبابه نسى اصحابه
يااااااااااااااااااه بقالى كتير كده مش بأدخل الموقع معلش بقى
أولا حمد لله على سلامه لوصول والدك
ثانيا :أنا أكتشفت أنى أعرف كاتبه سيناريو مستواها عالى أه صحيح ده حوار حصل بجد بس كل الحوار فى لمسات بتقول أنك بجد بتكتبى كويس يعنى مخرجه و سيناريست والله ممكن تمثلى كمان وتعملى فيلم لوحدك.
ثالثا :أنت ليه بقى مش بتكلى يعنى أنت مش بتحرمى ونرجع نتعب ونقول ياريت اللى جرى ما كان .
ثالثا :بالنسبه للناس اللى كانت فاكراك ولد (ههههههههههههههههههه) طبعا عارفه بضحك ليه الاستفتاء لسه معايا
عموما يا ريت بقى تركزى كده فى موضوع الضمائر
أخيرا : يارب تكونى حلت كويس فى الامتحانات
وأكيد مش حأغيب تانى عليك ومش ححرمك من كتباتى الرخمه دى
باااااااااااااااااااى بقى
وش مكرمش : ليه بس كدة ؟ الامتحان كان خير اللهم اجعله خير ........بس كدة
taher : لا و الله يا فندم لسة مخلصة امتحانات أول امبارح و مكنتش ملاحقة . بس ان شاء الله نعود بعد قليل
delpiero : أولا : الله يسلمك
ثانيا : لو كان قصدك علية يبقى شكرا على المجاملة . اه و أتفرج عليه لوحدي
ثالتا : يا عم هو الواحد حيفتكر ايه ولا ايه ؟
ثالثا التانية : بتضحك على ايه . ولا انت نسيت ( يختي كاميلا بتكسفي ؟) و بعدين ما دام باعتراف كل الموجودين اني أرجل من كل اللي كانوا موجودين لية الشرف
و أخيرا : مسامحك عشان عارفة ان ما بايدك حيلة انت كدة بس والله لكم وحشة كلكم
سهى : ربنا يخليكي و تزوريني دايما
اييييييييييييييه
خفه الدم دى
تسلمى
ضحكتينى من قلبى
نيرفانا : ربنا يخليك .
ده انا ضحكت ضحك
balady : الحمد لله و يا رب دايما
Post a Comment
<< Home