Sunday, January 29, 2006

Forgotten images .

بقالي أكتر من ست سنين مش برسم . مش فاهمة ازاي . أفتكر اني قلت في تدوينة قبل كدة اني عايزة أرجع أرسم بس محصلش بصراحة نسيت الموضوع من أساسه
لكن امبارح كنت بطلع شوية حجات في ( ركن الذكريات ) فوقعت من فوق علبة . الحقيقة مكنتش فاكرة العلبة دي فيها . قلت أسيبها تحت و أقلب فيها شوية . و أول ما فتحتها اتفاجئت . مش فاهمة ازاي بجد نسيتها ؟العلبة كان فيها رسوماتي القديمة . مكنتش فاكرة اني كنت برسم كتير قوي كدة . أصلها كانت مليانة سكتشات و لوحات أكيد يتعدى عددها العشرات .شخابيط من سن الثالثة الى الثانية عشر
أفتكر اني و كالعادة مبحبش حد يقيدني كنت دايما برسم اللي أنا عايزة أرسمه مش المطلوب مني أرسمه . الرسم كان بالنسبة لي ( وعلى ما أعتقد بالنسبة لكل اللي بيحبوا يرسموا ) شيء خاص جدا . عبارة عن نقل أحاسيسي و أفكاري للورق أو لباقي الدنيا بمعنى أصح . مكنش لازم يبقى جميل أو مفهوم بس كان لازم يبقى بتاعي
أنا عارفة اني مش دافينشي ولا بيكاسو . بس قلت أديكم فكرة عن شخابيطي . أصل خطوط الواحد عادة بترسم خريطة لروحه و أنا مش فاهمة الخريطة المعقدة دي لو حد فهمها يبقى يفهمني
أولا : شخابيط سن الرابعة
تانيا : سخابيط الخامسة من العمر
ثالتا : سن العاشرة و الانتفاضة هي ما يملأ المخيخ
رابعا : سن العاشرة و ما يجول بذهني
خامسا : في الحادية عشر و العمر ماشي
سادسا : بداية السنة الثانية عشر
سابعا : شخابيط 12 سنة
و أخيرا : ما حملته لي أواخر الثانية عشر . اخر شخبوطة
ملحوظة : اسفة لأن تصوير الرسومات مش مظبوط عشان دة تصوير
snapshot webcam not a digital cam

40 Comments:

At 10:22 PM, Anonymous Anonymous said...

أنا لما برسم مش بيوصل اللى كنت بترسميه فى العاشره والحاديه من عمرك.
بجد غلطه عمرك أنك بقالك كتير مش بترسمى أنت عندك موهبه كبيره حاولى ترجعيها تانى.

 
At 10:34 PM, Blogger beastboy said...

سابعًا جميلة جدًا :)

 
At 10:55 PM, Blogger DareDevil said...

nice post

 
At 4:29 AM, Blogger change destiny said...

anonymous : شكرا بجد على المجاملة دي . مع اني مش شايفة اني عندي موهبة كبيرة زي ما انت بتقول . يعني في مليون شخصية في الدنيا بيرسموا أحسن مني مليون مرة . يمكن عشان كدة بطلت . لكن بصراحة رفعت روحي المعنوية

شخصية افتراضية : سابعا و مع ان مفيهاش أي شيء يدل على البحر انما دايما كنت بحس انها بتتمشى على البحر

daredevil : Thanks .

 
At 11:54 AM, Blogger sph1nx said...

اول مرة اشوف طفل يرسم من غير الوان المهم انا رظاي انك توري الرسوم دي لطبيب نفسي بس واحد بيفهم مش بتاع كفتة زي غالبية الموجودين هيساعدك كتير انك تفهمي شخصيتك وانا معاكي في موضوع انها بترسم خريطة لروحه لأن الرسوم في السن دي هي ببساطة تفريغ لطاقات هو الغير مشبعة لأن الأنا و الأنا العليا مابيكونوش اتكونوا لسه بشكل كامل فكري جديا في الموضوع ده

الأخ دير ديفل انا ملاحظ انك بتطوف في البلوجز و بتكتب تعليق واحد ماعندكش غيره
nice post :)
بس شكلك المرة دي نسيت ال
:)

 
At 10:38 PM, Anonymous delpieroo said...

بس كنت بأعمل مقلب حظك أنه مش فى أبريل(anonymous)ههههههههه أنا

 
At 4:02 AM, Blogger بعد الطوفان والجو شبورة said...

من كام بوست كتبتلك إن إحساسك سابق عمرك كتير .. و دلوقت حالاً عرفت الحكاية دى جت منين .. إحساس الرسومات دى مش بتاع بنت عندها 10 سنين ولا 15 سنة حتى !!.. بس عاوز أسألك سؤال و تجاوبى بصراحة.. فكرى كويس و بعدين ردى .. مبسوطة فى الهندسة؟؟

 
At 8:36 AM, Blogger Mr-Biboooo said...

مش هعلق على البوست بالعند فيكى لان الرسم جميل جدا انا بس هعلق على انك بطلتى ترسمى عشان فى ناس بترسم احسن منك
انتى بجد بطلتى عشان كده
على كده احنا هنبطل نعمل كل حاجة فى حياتنا ثم انتى لو كنتى فضلتى ترسمى خلال كل السنين دى كان زمانك اتطورتى كتيييييييير

حرام ع ليكى يا شيخةالبوست الجديد عايزين رسومات الفين و ستة

 
At 1:25 PM, Blogger m_elsewedy said...

طب احنا ذنبنا ايه تحرمينا من رسمك الجميل ده وفعلا لو كنتى كملتى كنتى هاتطورى كتيرررررر ولاحظى انك ساعتها كنتى 12 سنة يعنى اكيد فى مليون واحد بيرسم احسن منك ده الطبيعى يعنى
لازم ترجعى ترسمى تانى بجد

 
At 12:33 AM, Blogger change destiny said...

sphinx : ححاول أعرضهم على متخصص قريب ان شاء الله

delpiero : على فكرة كلمة "مقلب " مش بتتقال غير لما الموضوع يدخل على الواحد . و انت بصراحة و متزعلش مني أفشل واحد في الموضوع دة يا برنس . يعني مين في الدنيا يدخل يلاقي تدوينة جديدة يقوم ميعلقش عليها و يعلق على واحدة قديمة . أعدلك غلطاتك : 1 - الفرق بين التعليقين بتوعك كان أقل من عشر دقايق
2- مفيش محاولة و لو كانت فاشلة للتغيير في أسلوبك في الكلام ( كنت خلي حد جمبك يكتب التعليق

3- الامضاء مجهول . يبقى متوقع انه شخصية أعرفها شخصيا .( على الأقل كنت اخبط أي اسم كانت تبقى معقولة شوية

4- كشف محاولة عمل المقلب ( اللي حتى لو كان دخل علية مكنش حيبقى مقلب أساسا ) قبل ما تمسك علية دليل ان اللعبة دخلت علية

يعني أنا لما قريت التعليق الأولاني قلت الولا يا نسى يمضي يا عايز يستهبل و لما قريت هههههه في التعليق التاني قلت عمره ما حيعرف يردلي كدبة ابريل

بعد الطوفان و الجو و الشبورة : شكرا للمرة التانية . أما عن سؤالك فاعذرني محتاجة شوية وقت عشان أكتبلك الاجابة بشكل مفهوم . لكن مبدئيا لأ

mr-biboooo : يا عم العند يورث الكفر :) بس أنا مش حعند و حرد
الحكاية اني زي ما قلت في التدوينة أنا كنت بفكر في الرسم في السن دة على انه حيبقى حاجة من الاتنين يا هواية يا مجال أدرسه و أشتغل فيه . و لما فكرت فيه كمجال عمل لقيتها مش حتنفع عشان زي ما قلت من وجهة نظري مكنتش حبقى بيكاسو تاني و عشان عارفة ان أنا بحالات و مش برسم غير لما الجنونة تجيلي . فقلت مش طالبة فشل . أما الهواية فقلتلكم برضه انها كانت بالنسبة لي تعبير عن مشاعري . و حسيت ان مشاعري اتجمدت في الفترة دي . فمبقتش أرسم . لكن حجرب ايدي على الورق اليومين دول ان شاء الله

m_elsewedy : ألف شكر و ححاول ان شاء الله

 
At 1:58 PM, Blogger damdom said...

hay ch.d finally i'm back exams are dead now :D wow ...you should make a gallary with these treasures ! i think now after you've seen alot you can draw with even more talent...you don't need alot of hard work cus you already have this great tallent, plus your great thoughts...!!!what do you need more?? start working on that gurl go! i encourage you...

 
At 4:13 PM, Blogger محمود عزت said...

شخابيط الرابعة و الخامسة كانتا أقرب لي بشكل مثير للدهشة , ملاحظتي فقط على الأمر أنك ترسمين ذاتك كثيرا, ذلك ربما يدل أن لك أمنية حقيقية في أن تتعرفي عليكِ


((أنا عارفة اني مش دافينشي ولا بيكاسو . بس قلت أديكم فكرة عن شخابيطي . أصل خطوط الواحد عادة بترسم خريطة لروحه))

جميل يا تشانج , جميل فعلا

 
At 4:34 PM, Blogger Taher said...

لا بجد
ماشاء الله رسيمة ( حسرتينى على نفسى )
افتكر يوم امتحان الرسم فى الصف الثالث الابتدائى طلبوا منا نرسم مدرسة
طبعا رسمتها ولونتها كلها اسود
وسقطت بس عملو لى ورقة تانية فى الخباثة

بس سيبك انتى رسمة الحصان والقطة اللى كانت فوقه دى جامدة

 
At 8:38 PM, Anonymous delpieroo said...

لأ طبعا أنا كتبت التعليقين فى فترات متباعده يعنى فى أقل من عشر دقايق لحق يكتب فيهم(شخصيه أفتراضيه)و(daredevil)وبعدين تكتبى الرد الساعه 4.55وبعدين الزمن يتقدم تانى وأكتب أنا التعليق التانى ياااااااااااااااه هى الدنيا ماشيه بالمقلوب
طبعا ماكنتش أعمل مقلب بالضبط نا نسيت أكتب أسمى فمظهرش قلت لما أخليها مقلب والسلام
وبعدين دى دخلت عليكى طبعا لان أنت عمرك ما ردتى على تعليق لى بالطريقه دى ولو كنت عارفه انه انا ليه ماقلتيش أنه أنا

 
At 11:26 PM, Blogger tamer said...

والله جميلة الرسومات عزيزتى

ممكن بالمارسة تبقى رسامة ماهرة

اشكرك على الرسومات الجميلة

ودرج الزكريات لسة فية اية


ربنا يوفقك ويهنيكى

الى الامام

 
At 6:48 PM, Blogger change destiny said...

damdom : Congratulatioooons honey , Too bad my vacation is going to end tomorrow . It was only a week . :( Well , have fun and enjoy your time .And thanks for the encouragement .

محمود عزت : موافقاك ان الرسومات فيها كتير مني . كلنا يبحث عن نفسه و أكثرنا لن يجد شيء . شكرا

taher : متغلاش عليك القطة بس سيبلي الحصان .

delpiero : ما علينا يا عم مش موضوع . كل واحد فينا مقتنع برأيه . بس يعني ايه " عمرك ما ردتى على تعليق لى بالطريقه دى " مش فاهمة
و بقولك ايه عواد تاريخ ميلاده ايه ؟

tamer : ربنا يخليك . بس ملكش دعوة بقيت الدرخ فيه ايه . أصل اللي بيفوت بيموت

 
At 11:02 PM, Blogger Hashim said...

Nice Pics!

 
At 7:48 AM, Blogger عشقك ندي said...

يا ريت ما تبطليش رسم لن اي وسيلة بتخلي الواحد يطلع اللي جواه بتكون مفيدة جدا احسن ما يطق يعني وخصوصا من خلال فن جميل زي الرسم وان مش حادعي الخبرة بس بحس واحد بيتذوق كويس خطوطك جميلة واعتقد ان جواك أكتر من كده مستنيين رسوم 2006

 
At 2:27 PM, Blogger Ammouna said...

i like the pic number 7 and 8! Sincerly, you are talented! ;)

 
At 7:55 PM, Blogger صباحك سُكّر said...

قلمك الفني فيه احساس قوي ومعبر ..استمري

تحياتي

 
At 4:20 AM, Blogger change destiny said...

hashim :Thanks

عشقك ندى : فعلا اليومين دول الواحد لو مطلعش اللي جواه ممكن يتجن . بس في حالتي معتقدش انها هتفرق لأني مجنونة جاهزة . لكن ان شاء الله تشوفوا 2006 قريب

Ammouna : Thanks . My personal favourite is number five .

صباحك سكر : صباحك سكر و ورد و ياسمين و ان شاء الله سنعود بعد قليل

:)

 
At 4:24 AM, Blogger change destiny said...

egiziana : وصلني على الإيمال بتاعي تعليق منك على التدوينة دي . بس كانت مش متعرفة عشان كانت بالعربي . و مش فاهمة ليه التعليق مش ظاهر على الصفحة

يا ريت تقوليلي اذا كنتي علقتي بجد ولا أنا كنت بحلم ؟ و اسفة جدا لعدم الرد

 
At 10:27 AM, Blogger ka3'eem said...

ازيك يا غير مصيرك:), الف مبروك البوست الجديد يا فنانة...بس انا عاوز اسأل بالنسبة للصورة الاخيرة..دي من دماغك و لا دي ممثلة معينة

 
At 5:21 PM, Blogger change destiny said...

ka3'eem : الحمد لله و الله يبارك فيك . أما عن اخر صورة فعلى ما أعتقد انها كانت مشروع أنجلينا جولي بس فشل
أنا مش شايفة أي تشابه حاليا غير احتمال في البوز لأن انجيلينا جولي مشهورة بيه

 
At 10:29 AM, Blogger Ahmed Shokeir said...

إسكتشات الثانية عشر حلوة فيها تحرر تمرد .. بدايات جمال أنثوي مراهق

 
At 2:54 PM, Blogger wild pharmacist said...

الرسومات دية جميلة بالنسبة للسن الي اترسمت فيه

 
At 3:05 PM, Blogger AZ said...

lollllllllllll el a5raneya shabh anjelina julie hehehehe

 
At 3:34 PM, Blogger Dr. Hussein Magdy said...

فنانة بجد... كملي... ارسمي إوعي تبطلي ترسمي خالص... لازم ترسمي وترسمي وترسمي

 
At 2:20 AM, Blogger Omernos said...

I think its really great, you have an amazing artistic abilities. I loved how you bloomed into a great artist back when you were 12! WOW -- you did a great job with the Angelina one.

Long time no see,
how is everything going on with you?!

omar

 
At 5:40 PM, Blogger احمد فوزى said...

مع الاقتباس من الشقيق بعد الطوفان
مبسوطة ف الهندسة ؟

 
At 8:41 PM, Blogger Taher said...

بلاش ترسمى الست سنين اللى بعد ال 12 كفاية ترسمى من الشهر اللى فات
طولت الغيبة شوبة

 
At 8:57 PM, Anonymous Anonymous said...

http://www.sbc.net/knowjesus/theplan.asp

 
At 11:07 PM, Blogger change destiny said...

ahmed shokeir : اول مرة اخد بالي

wild pharamcist : شكرا

az : bgad ?

dr . hussein magdy : مرسي .. حاتوغل و استمر و استمر و استمر

Omernos : welcome back and hope i wont haveto say it again

احمد : البوست الجديد جابتي

taher : ok :) deal .

anonymous : thx but no thx

 
At 10:26 PM, Blogger Omernos said...

:D Inchallah you won't
I am lacking the urge to be writing...but Hopefully I'll be able to do it...

Sounds like some sorta assignment, doesn't it?! :D

omar

 
At 8:37 AM, Blogger نون النساء said...

اتذكريني بنفسي


صارلي اكثر من 5 اشهر ما رسمت

واذا رسمت ما اطلع إلا برسمة أو رسمتين بالقلم الرصاص

بالسنة الوحده

:/

بس على فكرة ما شاء الله رسمج وايد حلو

اتوقع لو كنتي مستمرة كنتي وصلتي حاليا لمرحلة جدا جدا

ممتازة وفوق الممتازة

عندج الموهبه لا تهملينها اكثر من كده

 
At 1:46 PM, Blogger Sarah said...

على فكره انا عجبنى البلوج بتاعك اوى بس اكتر حاجه عجبانى اغنية مسلسل ساره لان انا بموت فى المسلسل ده لانه بجد تحفه

 
At 9:37 PM, Blogger change destiny said...

Omernos : long time no see . So i guess you lied :(

نون النساء : شكرا , ربنا يشيل الغمة و نرجع نرسم أنا و انتي

سارة : :) شكرا و أنا كمان بحب الأغنية و حنان ترك

 
At 3:15 PM, Blogger free soul said...

you must return to draw things, you are very talented :)

and yes, I see big parts of your sould in the drawings, it is transparent on its owner

Great stuff here, really amazing

 
At 3:44 AM, Blogger change destiny said...

free soul : Thanks . I guess to draw you have to have a free soul . And mine no longer can fly . :(

 
At 11:26 AM, Anonymous Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

 

Post a Comment

<< Home

-->