Tuesday, February 14, 2006

وحدة من اختراعي

كيرقة صغيرة اشتاقت الى الحياة , نسجت خيوط من خيالي طوقت بها نفسي عسى أن ينبت لي جناحين فأنفض عني أتربة ذلك العهد المعتم و أتحول الى فراشة حرة أطير باحثة عن الضوء. نسيت أني لست ذلك الكائن الشفاف الرقيق فما أنا سوى بشر طوقت نفسي بخيوطي فاختنقت

اني أختنق . لا أستطيع التنفس . كم أشعر بالوحدة و لست معتادة على هذا الشعور . و هو ليس حقيقي . فحولي أناس كثيرون و لكني لا زلت أشعر بالوحدة .وحدتي من اختراعي . أقولها و أشعر بالذنب لأني أقولها لأنها جارحة لمن حولي . لكني لا أستطيع أن أكون كاذبة . حولي بعض التماثيل الصامتة يعتقدون أنهم أحياء . لا يعرفون شيء عن اللعب عن الضحك عن الغناءعن الحياة . عقول مفرغة أقصى معلوماتها عن النقاش هو : هو الدكتور قال ايه انهاردة . و أقصى معلوماتها عن الشعور هو : أنا جعان . تنتابني أحيانا حولهم رغبة قاتلة في الصراخ في البكاء في الانتهاء
أرفض تلك البرودة في التعامل أرفض القسوة أرفض العنصرية أرفض السطحية أرفض التفاهة . و لكن من أكون لأنعت أي شخص بأي من تلك الصفات فلست سوى انسان به نسبة صغيرة كانت أم كبيرة من كل الصفات الانسانية و لكن من حقي أن اختار مع من أتعامل

لطالما نعتني أصدقائي بالغريبة أو بالمجنونة . لم أتضايق قط . كنت أضحك و كانوا يضحكون . لم أكن أعتبرها مدح أو ذم بل حقيقة واقعة . فأنا غريبة . لم يؤلمني سماعها سوى في ذلك المكان الكئيب . مكان يعترف كل من به بكائبته الخانقة و مع ذلك لا يفعلون شيء لتغيير الوضع . بت أؤمن أن برودة ذلك المكان قد انطبعت على قلوب من يعيشون به . لم أعد أفهم شيء . لم يعد الشاطيء يسمعني لم أعد قوية لم تعد ضحكتي صادقة .... بت أختنق

34 Comments:

At 4:47 AM, Blogger ETFOKHS said...

يشرفني إني أول واحد أعلق لكن رسوماتك تدل على موهبة مكنونة تنتظر الانفجار..
فلا داعي للكسل و استغلي الموهبة..
ليه بطلتي تزوري البلوج بتاعي
waiting 4 u
bye

 
At 12:28 PM, Blogger sph1nx said...

انا في رأي وحدة احسن من اصدقاء تافهين مزعجون
حكاية وصفك انك غريبة دي عادي انا بطلت اخرج مع صحابي كتير علشان التريقة اي واحد بيكون مختلف عنهم ده كفاية لأعتباره كائن غريب مايعرفش انه ممكن يكون هو الغريب

فكرتيني بواحد صحبي لقى عندي كتاب تفسير الأحلام بتاع فرويد افتكر اني حلمت حلم و عايز افسره علشان كده اشتريت الكتاب
الوحدة دي ليها ميزة انها بتدي الواحد وقت طويل يستفيد منه في حاجات مفيدة بدل ما اختلط بناس ادنى مني فكريا

 
At 5:14 PM, Blogger بعد الطوفان والجو شبورة said...

أحسن

 
At 2:19 AM, Blogger عشقك ندي said...

لازم تتعودي علي التعامل مع الكائنات الغريبة في هذا الكون لأن الحصول علي صحبة فيها الصفات اللي انت طالباها حاجة صعبة حبتين لذلك تعاملي مع الكل الذكاء الاجتماعي هنا يكمن في كيفية التعايش والاندماج وأيضا الاستمتاع بهذا الكم من الفراغ الموجود في البشر بجد نصيحة من القلب تعايشي مع الحياة لا يوجد حلول أخري وتحياتي لك

 
At 2:37 AM, Blogger بعد الطوفان والجو شبورة said...

آسف .. نسيت أضيف هو أحسن ليه..

ساعات تكون الوحدة أفضل علاج للغربة ف وسط أشخاص مألوفين و عالم معتاد .. أصدق لحظة ممكن تقابلى فيها نفسك من جوة .. الدهاليز الضلمة و الحوارى المهجورة .. المستخبى يبان

ساعات الفرق بيكون خيط رفيع ..بين المعتاد و الحميمى
طولت أوى :)

أقول قولى هذا و أستغفر الله لى و لكم ..:)

 
At 10:51 AM, Blogger GraY FoX said...

nice
deep
sensual
and personal

 
At 12:26 PM, Blogger Ahmed Shokeir said...

حلوة
والجميل فيها إن الواحد يقول رأيه في نفسه مش في الأخرين

لكن من أكون لأنعت أي شخص بأي من تلك الصفات

فعلا ياريت ناس كتير تفهم المعنى ده

 
At 4:26 PM, Blogger Taher said...

لطالما نعتني أصدقائي بالغريبة أو بالمجنونة . لم أتضايق قط . كنت أضحك و كانوا يضحكون . لم أكن أعتبرها مدح أو ذم بل حقيقة واقعة . فأنا غريبة . لم يؤلمني سماعها سوى في ذلك المكان الكئيب . مكان يعترف كل من به بكائبته الخانقة و مع ذلك لا يفعلون شيء لتغيير الوضع . بت أؤمن أن برودة ذلك المكان قد انطبعت على قلوب من يعيشون به . لم أعد أفهم شيء . لم يعد الشاطيء يسمعني لم أعد قوية لم تعد ضحكتي صادقة

بس من غير خنقة ليه بقى مش حقوللك لانك مش حتغيرى الكون والكلام ده كله
بس دايما المميز بيكون مخنوق
ومرارته مفقوعه
فهمتى حاجة

 
At 6:54 PM, Anonymous Mayoush said...

mostly I would call you and tell you my comment but i must say I felt like i just had to say something online this time....you know i am feeling exactly the same way today ...and i was just going to write the same thing in my diary but reading your blog made me think ...i am not alone..we have been friends for a long time now...and it just makes you realize that sometimes it's all in your head, when you think rationally about it ...it cant be that bad! cuz there are the good days...when you feel loved, happy or just that you belong ...i'm not saying that it's quite often but sometimes you just over analyze stuff or just be more sensitive about what is being said or done that you think every comment is about you ...i have one thing to say to u ...and i hope we both can try it ...i'll tell you when i call ... :>

 
At 8:35 PM, Blogger shortcut said...

احساس صادق جميل فعلا احسن تعبير للحالة انا كمان حاسة بيها اليومين دول
اشؤا جاجة احساس الغربة وسط الناس اللي بيقولوا انهم اصحاب
انا مس مبسودة فيه حاجات كتير عايزة اقولها لناس كتير من اصحابي يمكن بعدها يضايقوا جامد بس انا متضايقة منهم
حتي في خوجي معاهم مش حاسة اني مبسوطة
كان تشبيه اليرقة
فما أنا سوى بشر طوقت نفسي بخيوطي فاختنقت

اني أختنق . لا أستطيع التنفس . كم أشعر بالوحدة و لست معتادة على هذا الشعور

 
At 8:36 PM, Blogger shortcut said...

احساس صادق جميل فعلا احسن تعبير للحالة انا كمان حاسة بيها اليومين دول
اشؤا جاجة احساس الغربة وسط الناس اللي بيقولوا انهم اصحاب
انا مس مبسودة فيه حاجات كتير عايزة اقولها لناس كتير من اصحابي يمكن بعدها يضايقوا جامد بس انا متضايقة منهم
حتي في خوجي معاهم مش حاسة اني مبسوطة
كان تشبيه اليرقة
فما أنا سوى بشر طوقت نفسي بخيوطي فاختنقت

اني أختنق . لا أستطيع التنفس . كم أشعر بالوحدة و لست معتادة على هذا الشعور

 
At 10:15 PM, Anonymous delpieroo said...

تتصورى زعلت أووووى أوووى أوووى .
ليه كده الاحساس الكئيب ده انا حسيت ان الدنيا ضيقه اووى أوووى .
بصى يا ندى عاده بيجى وقت على أى حد وبيحس أنه مش طايق كل اللى حوليه وممكن كمان ما يبقاش طايق نفسه . ممكن يبقى حساس قد ايه هما تفهين او قد ايه هما معلوماتهم ضيقه لحد كبير .بس أنت لو عايزه تتطلعى من اللى قدامك الكويس فيه حتقدرى .
وومكن تبقى أنت الغريبه وكل اللى حوليك طبعيين يعنى معلوماتك ودماغك عاليه شويه ولأنى عارفك وفاهمك عارف انت بتحبى تتكلمى فى أيه وعموما الموضوعات اللى أنت بتحبى تتكلمى فيها بتبقى كبيره ووسعه على ناس متير ومش كل اللى قدامك ممكن يستوعبها او يبقى عنده المرونه للكلام فى مواضيعك.
ان مش بقول أنك غلط انت صح أوووى كلامك عاقل وجميل .
ندى مفيش أنسان تفصيل على اللى أنت عايزاه.

 
At 11:52 AM, Anonymous mayoush said...

i agree with delpieroo....

 
At 10:40 PM, Blogger Taher said...

i tagged you

 
At 8:41 AM, Blogger نون النساء said...

مشكلتنا اننا كائنات تتأثر حتى بالكلمة

وربما يكون للكلمة تأثير اكبر من تأثير الأشياء المادية فينا كبشر

لكن لا اتخلين تأثيرها يمتد ويتعاظم في نفسج حتى تصبح شيء مقرون فيكِ

وتتطبعين على هذا الأساس


يا عزيزتي كلنا غرباء

وكلنا نمر بمراحل اختناق

 
At 11:53 PM, Anonymous hold me on said...

انتى ما اكتشفتيش انك بشر...لا..بالعكس..ابسولوتلى....
مجرد ان الانسان الرقيق او الفراشه مش لاقيه المساحه اللى تتحرك زى الاول ...مافيهاش حاجه ان المجتمع يفرض علينا حاجات ..دا مجتمع مظاهر ودا مجتمع سيد افترا ودا مجتمع سوسو ولولو...مش ح تتغيرى عشانه..العمليه مش ناقصه مسح مخ
ومش ح تغيريه عشان كده احساس الغربه طعمه وحش اوى لانها غربه ف وطن ودى هى رياح التغيير...
الفكره بقت ف الوحده..اللى ح تكون ام سجن جدرانه اوضة النوم وسقفه السما بنجومها وام تكون الوحده دى مملكه ..بدل ما تكونى يرقه ..ترجعى فراشه وتطير فيها...مملكه فيها ملكه تعمل اللى هى عايزاه وتحب ايامها...وبره المملكه ترجع برضه الانسانه اللى لها تاثير واسلوب ..عايشه مع الناس..وعايشه جواهم

 
At 3:30 PM, Blogger حاجات ليه.. لوحدي said...

كلامك جميل جداوحسيته
يمكن لانى بحس بحجات شبةكده بس انا من كتر برودة الناس والمشاعرمن فترة طويلة بطلت اتكلم مع الناس وبكتب كل حاجة بحسها مع نفسى ، انا طولت عليكى بس اصلك اتكيتى على الجرح

 
At 5:05 PM, Blogger bosbos said...

احساسك حلو قوي

فعلا اوحش احساس في الدنيا الوحده وسط الناس وخصوصا لما تكون من اختراعنا احنا

حاسه بيكي جدا لاني مريت بالمشكله دي

 
At 5:11 PM, Blogger tamer said...

عزيزتى الوحدة شعور قاتل والانسان الذى يعانى من الوحدة يجب ان يشغل الوقت فى اى شىء مفيد يحاول يخرج من هذة الوحدة باى طريقة لانها فعلاا كما قولتى تخنق


ربنا يوفقك ويهنيكى

الى الامام

 
At 5:18 PM, Blogger change destiny said...

etfokhs : شكرا و حتشوفوا رسوم 2006 عن قريب ان شاء الله

SPH1NX : كلامك منطقي بس بيفكرني بحدوتة التعلب اللي مكنش طايل عنقود العنب فقال عليه انه حامض
أعذرني بس أنا شايفة في كلامك نوع من أنواع الهروب . و لو حنتكلم عن التريقة طب ما انت مش عاجبك صاحبك اللي مش فاهم كتاب تفسير الأحلام . يبقى لازم نقبل التريقة علينا لأن احنا كمان بنتريق . و تغيير اصحابك للأحسن ( الأحسن من وجهة نظرك ) حاجة ممكن تكون صعبة بس ممتعة و مفيدة . بس عشان تغير واحد طول حياته بيقرا ميكي ( و على فكرة أنا بقراها فبلاش تريقة ) و تخليه يقرا لبراون ولا لفودة . لازم انت تقرا ميكي الأول و تنزله و تتكلم بلغته عشان تعلمه لغتك و صدقني مهما كنت شايف ان لغته تافهة حتلاقي حاجات كتيرة تتعلمها منه . حيأثر فيك و حتأثر فيه .
و على فكرة مش انت و مش أنا و مش أي حد يقدر يقول مين اللي أدنى فكريا

عشقك ندى : ألف شكر على النصيحة . و على ما أعتقد إن أنا من النوع اللي بيتعليش و يندمج بس سعات الواحد بيلسع

بعد الطوفان : بيتهيألي ان مشكلتي اني بحاول أشوف نفسي زيادة عن اللزوم و ممكن أكون شيفاها مش قصدي في المراية

Gray fox : Thanks and it is deeply personal i guess...

Ahmed shokeir : شكرا فعلا كل واحد فينا منصب نفسه قاضي على باقي الكون ... كما بدأنا ننتهي

taher : بس انت نسيت ان دة اسمي و دة هدفي .. تغيير الكون

Mayoush : who the hell said we were friends? You are not my friend you are my guardian angel . And i'll always be there for you even if you never ask . And i wont tell anyone what you told me on the phone . Lets keep it our little secret .

Shortcut : الصراحة أقصر شورتكت ممكن تلاقيه . ممكن تكون مؤلمة بس هي سبيلك للخلاص من الشرنقة

delpiero : متفقة معاك بس أنا عايزة أسئلك سؤال بجد : تفتكر اني فعلا مش بعرف أطلع الكويس في اللي قدامي ؟

taher : i'll do it as soon as possible .

نون النساء : شكرا بس في اعتقادي انك لو تعرفيني معرفة شخصية حتغيري رأيك . أنا مش بتأثر بالكلمة و سعات مش بالفعل . الحقيقة أنا باردة و معنديش دم و نادرة التأثر على عكسك . أفتكر انك رقيقة قوي

hold me on : كلامك برضه منطقي قوي لكن البني ادم لو اكتفى بمملكته الخاصة مش حيقدر يعمل غيرها . لأن الحياة اليومية عمرها ما حتبقى بجمال مملكته فحيختار لا ارادياا انه يعيش في مملكته على طول . ممكن يكون اللي أنا طلباه مستحيل بس أنا عايزة أنحت من حياتي اليومية مملكتي الخاصة . يوتوبيا من اختراعي . أكيد حيبقى فيها جزء كبير من أحلامي الوردية بس على أرض الواقع ... مستحيل ؟ احتمال

حاجات لية لوحدي : اتكلمي و اضحكي و العبي و غني متسبيش حاجة تكسرك

bosbos : ربنا يخليك و ما يرجعك للمشكلة دي أبدا

 
At 12:19 AM, Blogger Taher said...

كده انتى مفهمتيش قصدى اصلا
انا قصدى غالبا اللى يكون مختلف بيكون مميز
والمميز صعب ان الناس تفهم ايه اللى فى دماغه

 
At 2:44 PM, Blogger ادم المصري said...

احب اقولك وحشتيني وحشتيني وحشتيني

بقالي كتير مش شايف اسمكعلي مدونتي

تعرفي
بجد والله وحشتيني


واحب اقولك اختيارك ممتاز لابعد حد

لانك بجد حساسة

الاغنيه رائعة

لو ممكن تبعتيلي اللينك ع الايميل اكون شاكر

واحب اقولك

وحشتيني
وحشتيني وحشتيني

 
At 2:46 PM, Blogger ادم المصري said...

اه بالنسبة للصور فاحب اقولك انتي بجدرائعة

علي فكرة
احب اقولك كمان اني سعات بميس

وسعات بجامل


لكن انتي رائعه

 
At 8:34 PM, Blogger change destiny said...

taher : بس هتلر كان مميز و نيوتن كان مميز الله أعلم أنا مين

ادم : أشرقت الأنوار , ألف شكر يا فندم . بس مش محتاج تقول انك مياس لأن دي باينة من زمان
:)

 
At 8:19 PM, Blogger ادم المصري said...

هههه

 
At 11:13 PM, Blogger sph1nx said...

عجبتني قوي عبارة هتلر كان مميز
غالبية الناس لما بتيجي سيرة هتلر بينظروا اليه على انه العنصري السفاح المستبد الخ الخ
مابيبصوش للناحية التانية ان هتلر احد عباقرة السياسة على مدار التاريخ
كفاية انه كان على وشك - رغم بعض الأخطاء السياسية و العسكرية -انه يحتل العالم

 
At 7:50 PM, Blogger DareDevil said...

not that good

 
At 4:57 PM, Blogger ETFOKHS said...

و نحن نضم صوتنا لصوت المجني عليها، و نناشد الأخوة المسئولين في وزارة الزراعة أن يهتموا بالأمر..
كلمة جد: طبيعي إن يبقى فيه كدة لكن هاتلاقي العميق فكراً والغزير علماً و الخفيف دماً في نفس الوقت و أكثر،صدقيني هاتلاقي
ملحوظة:
غيرت صورتك ليه يا عم سفينكس؟

 
At 12:55 PM, Blogger sph1nx said...

دي صورتي الحقيقية يا عم مارك
بالنسبة لتغيير الصورة السابقة في الخقيقة لفت نظري اكتر من شخص ان فيها اهانة للمسيحيين فشلتها انت عارف الوحدة الوطنية بقى
;)
اهم حاجة مصلحة البلد
;)

 
At 1:01 PM, Blogger sph1nx said...

وبعدين انا مش قد البصة دي و بعدين انت بتشير لي بأصبع الأتهام ليه؟

 
At 11:22 PM, Blogger ETFOKHS said...

يعني ،
أصلي كنت حاطط صورة قبل كدة و شيلتها عشان أصحابي قالولي إن فيها إهانة للهندوسيين المغول من أصل بوذي فاشستي
فشيلتها
انت عارف بقى الوحدة الهندمغبوفاشية
ابقى عبر بلوجي

 
At 5:39 PM, Blogger aolaaol said...

هذه الوحدة ليست من إختراعك,دى عبارة عن تأثير انبعاث الأتربة المتراكمة على تماثيل الشمع المسماه أحيانا بنى آدميين

 
At 5:08 AM, Blogger change destiny said...

aolaaol : و كيف لاحدى تلك التماثيل الشمعية التأثير على مثيلتها

 
At 11:31 AM, Anonymous Anonymous said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

 

Post a Comment

<< Home

-->