Tuesday, May 30, 2006

لحمة يا دنيا لحمة

بجنيه و نص
قرب و بص
قرب يا باشا .. أؤمر يا بيه
كيلو اللحمة بقى بجنيه
و دة لحم بقر و لا حمير ؟
دة لحم بشر و الخير كتير
جرب و دوق
مص العروق
فشفش عضامهم
و اشرب دماهم
و دوس على جراحهم و سوق
قولي بقى عايز بكام ؟
طب قولي قبلة مش حرام ؟
لا هو انت فاكره لحم ميت مش قتيل ؟
دة لحم طازة مدبوح جديد ملوش مثيل
جديد قديم تفرق في ايه
هو احنا لاقيين البديل
و ما دام حلال
لازم أفرح العيال
اقطعلي و اوزن راس جمال
يا عم روح دة من المحال
هو انت فاكره مننا
أمال بتدبح بس مين ؟
الفلاحين الغلبانين
المحتاجين الشقيانين
الله أعلم يا جدع
ابنك أخوك
أختك أبوك
أو حتى انت لو معكش ندبحوك
و مش كفاية كدة زحام
سيبناكم تكلوا في بعضكم
و تسرقوا و تنهبوا
و كسبنا كام مليون كمان
حلو الكلام؟
كل الكلام ميكفينيش
لازم يموت الخوف عشان نقدر نعيش
لازم أقف و أقول و أعلي الصوت و أغني
و غصب عنهم و قصد مني
غنايا يتحول عويل
يفتح سبيل
للحق يصحى من الممات
و يحول الظلم لسكات
و ان كان طريق صعب و طويل
مش مستحيل
نمشيه سوا
و بكرة يوصل منا جيل

Monday, May 22, 2006

تاج الجزيرة

تاج عسول من سويدي
و بصراحة جه في وقته عشان أنا مش فاضية أكتب خالص عشان عندي امتحانات
افتح أقرب كتاب إليك، على الصّفحة 18، السّطر 4
تعيين أرقام الخريطة بنظام الاحداثيات الكيلوميترية ص206

مطّ ذراعك اليسرى قدر ما تستطيع
مخبطش حاجة بالعند فيكم
ما آخر ما شاهدته على التّلفزيون؟
less than perfect

بدون أن تسترق النّظر، تكهن كم السّاعة؟
12: 17 am

والآن كم السّاعة فعلاً؟
12:26 am

باستثناء صوت الكومبيوتر، أيّ صوتٍ تسمع؟
صوت التليفزيون اللي ماما بتتفرج عليه

متى خرجت من المنزل للمرّة الأخيرة؟ ماذا كنت تفعل؟
كنت بشرب آيس كوفي في البن البرازيلي الساعة 5 انهاردة . بس كنت أساسا خارجة عشان كورس الرسم

قبل مباشرتك بهذه الأسئلة، أيّ موقعٍ كنت تتصفّح؟
yahoo open questions .
فكرته حلوة قوي

ماذا ترتدي الآن؟
ربنا أمر بالستر هههههه

هل حلمت ليلة أمس؟
أنا منمتش امبارح أساسا لكن آخر مرة نمت فيها حلمت حلم في البلالا خالص تقريبا من قلة النوم

متى آخر مرّة ضحكت؟
من خمس دقايق تقريبا . وصلتني مسج بتقول : ربنا يوعدك بجن يجننك زي ما انت مجنني و يبعدك عن الناس و يقربك مني
ماذا فوق جدران الغرفة حيث تجلس؟
احم احم قطط و عرايس و دباديب أصل أنا أعيل مني مفيش

هل لاحظت شيئاً غريباً مؤخّراً؟
يا سيدي ما غريب الا الشيطان بس بستغرب ان الناس لسة بتستغرب لما حاجة غريبة تحصل . مع ان اليومين دول الواحد بيتقبل أي حاجة
ما رأيك في هذا الاختبار؟
عسلته

ما آخر فيلم شاهدته؟
phone booth

إذا أصبحت فاحش الثّراء، فماذا تشتري؟
حريتي مش حشتريها بس حعرف أكسبها
أخبرني شيئاً أجهله عنك
أنا معنديش دم ههههه بجد أنا باردة

إذا كان بإمكانك تغيير شيء واحد في العالم، بغض النّظر عن المعاصي والسياسة، فماذا تختار؟
متأكد انه مينفعش سياسة ؟ طيب اليأس حلغيه

جورج بوش؟
قال يا فرعون ايه فرعنك قال ملقتش حد يلمني

لو كان وليدك الأوّل فتاةً، فماذا تسمّيها؟
سنديان

لو كان وليدك الأوّل صبيّاً، فماذا تسمّينه؟
آسر

قد تفكّر يوماً في العيش بالخارج؟
زيارته أكيد . لكن اني أعيش فيه لا

ماذا تتصوّر أن يقول لك الله عندما تقف بين يديه؟
اذا كنت عملت الصح ولا الغلط

أربعة أشخاص تمرّرلهم الدّور؟
أربعة بس ؟؟؟ طب و عشان خاطري .... طب حفوتلك نص جنيه .... خلاص خلاص
الأربعة هم : كراكيب
مهندسمصري
دنيتي
ayhmjzzan
بس يا ريت كل اللي يعدي يعمله

Friday, May 05, 2006

مليكتي البحرية

-->