Tuesday, April 25, 2006

سينا الحرة ... و لا عزاء للآدميين

معظم اللي يعرفوني كانوا متوقعين ان أنا أبقى مكتئبة و زعلانة و مدايقة من حوادث دهب خصوصا بعد اكتئاب أحداث كنايس اسكندرية . لكن الغريب بقى ان كل اللي كلمني لقى عندي حالة ايفوريا . ضحك مش عارفة جبته منين . أصلي بعد ما روحت البيت دخلت عالنت أقرا عن الموضوع أكتر . و من ضمن الحاجات اللي لقيتها الآتي

ذهب الليل طلع الفجر والشعب يعفّر
يشرب جوزه ويشرب بنجو ومن صدره يكركر
شعبنا تايه قوى على الآخر ودايما متبنّج
ناس سرحانة وناس تعبانه ودايما بتهنّج
ويّا حكومه نضيفة ظريفه بتسرق على كيفها
واللى ف مرة يقول مش عاجبوا راح تديله حقنه

بصراحة قررت مكملش قراية . أنا مش عارفة مين اللي كتب الكلام دة . بس بالذمة مش معاه حق ؟

32 Comments:

At 8:24 AM, Blogger Whynotwhywhynot said...

Sadly yes. Ahhhh

 
At 9:25 AM, Blogger tamer said...

كل مصيبة او كارثة الحكومة الله يخرب بيت الحكومة

لكل ظالم يوم

ولاتزعلى نفسك

 
At 1:25 PM, Blogger مهندس مصري said...

مفيش حاجة حرةفي البلد ديه غير الحكومة تبهدلنا وتشردنا وفي الاحر تضرب ولاد البلد اللي بجد بالجزمة هو ده مفهوم الحرية المصرية

 
At 1:26 PM, Blogger GraY FoX said...

so sad but true ...
it's great that you are facing your troubles with active cases of euphoria instead of depression :P

 
At 1:51 PM, Blogger karakib said...

el nass galha ekte2ab men kol el bey7ssal !!!
(we ma7adesh 7asses be2adameyt-ho fel balad dih)

law bassetoh fe wesoush el nass ht7essoh bedah ...
antika

 
At 4:40 PM, Blogger ادم المصري said...

اه والله عنده حق

 
At 4:49 PM, Blogger m_elsewedy said...

عنده حق ونصصصصص
:D

 
At 8:49 PM, Blogger karakib said...

يا تري اللي عملها مختل ؟؟ و لا اللي عملها واحد عاقل ؟؟
ام جاهل
ام ماذا ؟؟
ملعون ابو كده
انتوك

 
At 12:37 AM, Anonymous a FREE gril in a .... country said...

hwa da el ham ybky w ham ydhk.
everything here in egypt yt2al 3leha keda lazm ykon fe nokta.

 
At 3:58 AM, Blogger change destiny said...

أولا خبر غير مهم أنا بقالي حوالي 38 ساعة منمتش و عندي حالة تناحة غريبة من امبارح و الساعة دلوقتي 3:55 و أنا حصحى الساعة 6:30 أروح الكلية و مع ذلك قاعدة أرسم . اللي متابعين البلوج من فترة عارفين ان بقالي مدة كبيرة مرسمتش . سبحان مغير الأحوال لما أخلص الرسمة حعرضها ان شاء الله


whynotwhynot : no wonder we went numb . Our ahhhhs were too many .

tamer : ربنا يخليك . و على رأيك حزعل على ايه ولا ايه

مهندس مصري : مش قلتلك كفاية سياسة . طب أنا قلبت المرة دي بضحك لكن قلبت معاك انت باكتئاب . بس سؤال غلس شوية هما ولاد البلد لسة متضربوش بالجزم و الصنادل و الشباشب و أخيرا القنابل

gray fox : it didn't last long . :( but it was nice while it lasted .

antika : لناس اتعودت على الاكتئاب لغاية ما بقى عندنا حالة خمول و لا مبالاه

adamelmasry : أكيد

m-elsewedy : و نص و تلات اربع

antok : ممكن أكون أنا أو اللي جمبك أو انت . أنا بيتهيألي ان أي مطحون في مصر عنده القابلية انه يعمل أي حاجة


a FREE gril in a .... country : ليه انتي مقرتيش فتوى تحريم النكت ولا ايه ؟ ههههه

 
At 12:16 PM, Anonymous delpieroo said...

مصر بتغنى ولا مكان على بالى كل اللى بيجرالى.
حرااام.
عموما مصادر تؤكد انهم أسرائليين

 
At 2:33 PM, Blogger إ بـ ر ا هـ يـ م said...

احسن حاجه الايفوريا كديفينس ميكانيزم في الحالات اللي زي دي
شعبنا عايزين قلمين و شلوطين و كام كارثه من اللي هما و يا حبذا لو احتلال اجنبي قذر و مذابح عشان يصحي
و سلمي لي علي سيدنا الشيخ حبيب

 
At 5:11 PM, Blogger هوميروس said...

الله يجازي اللي كان السبب

 
At 10:00 PM, Blogger Ahmed Shokeir said...

خللي بالك بيلموااليومين دول الشعرا واللي بينشروا ليهم
لسه معتقلين النهاردة شاعر عامي اسمه امين الديب عنده 69 سنة

http://www.tashkila.com/elmobdeoon%20(amin%20el%20deb).htm

 
At 10:23 PM, Blogger Mando4ever said...

الأرهاب ليس من اختراعي او اختراعك....

هو مجرد رد فعل....

تعاملت الدولة مع البدو بشكل يتنافى مع خصوصياتهم وعاداتهم بعد احداث طابا....

فكان لابد من عملية انتقامية....

تحياتي...

 
At 5:36 AM, Blogger change destiny said...

delpiero : معتقدش

ابراهيم : يوصل

هوميروس : سلبيتنا هي السبب

أحمد باشا شقير : لينك جميل شكرا

قد لا يكون اختراعي لكنه واقع نعيش فيه و لا أريد أن أتقبله . و بعدين مين اللي ساكت على الحكومة دي مش احنا . تحياتي

 
At 3:16 PM, Blogger marktwain said...

الحكومة ..............
انا لا الوم عليها انا الوم علينا هناك مقولة تقول " لم تكن الذئاب ذئاباً طاما كانت الخراف خرافاً " و لكن كيف نغير فقط اكتفينا ان نسب و نلعن ونسخر و ... نعتزل من يصيبه الاكتئاب و من يصيبه الضحك ـ هكذا دائما نحن نموت في الضحك ـ مش معنى كلامى اننا نقوم بثورة على الحكومة او نطلع بمظاهرة و نحرق و نخرب ـ زى ما حصل ايام السادات ـ يا جماعة والله التغير ح يبدأ من عندنا لو كل و احد رفض الفساد و مشاركش فيه ح يموت لو كل و احد رفض انه يشارك فى اي محاولة للخراب اي الخراب ده ح ينتهى . هو مين اللى قام بلعمليات دى ماهو ممكن يكون مصرى و محدش يقولى زهق من اللى بيحصل فعمل كده .. او خصوصية البدو اللى انتهكت لان البدو معتقدش انهم يعملوا كده والا يبقى الكلام اللى سمعناه عن هبهم لليهود صح ـ وانا معتقدش كده لان فيهم ناس ساعدو الجيش ف 73 ـ .حاجة اخيرة هو احنا كلنا شتمنا فى الحكومة ممكن اعرف انتو بتعملوا ايه ؟
بالمناسبة انا مابدفعش عن الكومة انا بس صعبان عليا اشوف حالة الامبالاة جوة شعب عش طول عمرة رافض الامبالاة

 
At 6:03 AM, Blogger إ بـ ر ا هـ يـ م said...

انتي بتصحي بدري و لا بتنامي متاخر و لا مش بتنامي زي حلاتي اليومين دول انا بس ملاحظانك مش بتدخلي غير متاخر اوي او في الفجر بمعني اصح

 
At 5:04 PM, Blogger ادم المصري said...

حببي مارك
تعالي يا روحي

اولا الشعب اللي انت بتتكلم عنه ده شعب .. اتعملت له خطة لتمويته موت بطيء منذ 25 سنه فاتت

ياعن دلوقتي انت بتتكلم عن جثة
مستني ايه من حثة يا كوتوموتو


ثم تعالي وقول عايزنا ازاي ما نشاركش في الفساد
والفساد اصلا في كل حته حوالينا

انت لو روحت في اي مصلحة حكومة شغلك مش هيمشي الا برشوة .. ياعني شغلك الحلال مش هيمشي الا بفساد

لو انت ماشي في منط\قة نضيفة ولقيت راجل غلبان بيكنس الشارع ... قلبك الحنين بيخليك تطلع فلوس وتديله

الفساد الحق ان الراجل ده مايخدش حقة الطبيعي .. لان اللي سيادتك ما تعرفهوش ان مرتبه داخل فيه اعتبار الحسنه اللي بياخدها من الناس في الشارع


سيادتك قبل ما تتكلم عن الا مبالاه في الشعب روح اسأل كل الشباب العاطل .. اتكحرت قد ايه علي شان يعيش وبرده مش لاقي

قبل ما تتكلم عن الا مبالاه .. شوف الناس اللي لسه ساكنه في عشش .. لا عندها كهربا ولا ميه

سيادتك حوالي اكتر من 5 % في بلدك ما عندمش كابينيه

وللعم سيادتك الكابنيه حاليا يعد من مقاييس تقدم الدول

سلملي ع البنيه التحتية


قبل ما تتكلم سيادتك عن الا مبالاه .. روح شوف كام واحد ساكن في المقابر والترب .. عامل العظام والجماجم مخدات وغطا

ثم تعالي سيادتك .. مالك انت واللي حصل ايام السادات

السادات ده حرامي لو مش عارف .. حب يشيل الدعم من علي رغيف العيش الناس قالت لا
راح مسميهم حرامية

طبعا محسوبك فهم ( الريس طبعا ) وحط مخطط مدته خمسة وعشرين سنه تكون نتيجته انه يعلم الشعب ازاي يموت

وطبعا نجح ... انا بافخر بجدادي اللي قالوا لا لما غلوا رغيف العيش قرش صاغ واحد

ومخنوق جدا من ابويا اللي وافق ان كل حاجة تغلي ادامة لا وايه البلد كمان تتباع لا وايه ظلم و طغيان كمان وبرده راضي

سلملي ع الا مبالاه


اسف راح اغير المحتوم بس الواد استفزني

 
At 10:30 PM, Blogger مداح القمر said...

فيه نكته بتتقال بيقول ان واحد بيقول للتانى تصدق ان بكره ح يبقى حر اوى التانى رد وقال الله يخرب بيت الحكومه
احنا بلد مش ناميه ..لأ احنا دوله متخلفه للاسف بشعبها وحكومتها..بنهرب من سلبياتنا ونحطها على دماغ الحكومه اللى بدورها فى الطراوه عشان كسلانين نحلها بنفسنا..اللهم انى لا اسألك رد القضاء ولكنى اسألك اللطف في... اناعموما ح ابطل اقول حاجه عن الحكومه لانى فقدت الامل فيها وح ابدأ ومن نفسى واللى حواليا ولا انتظر بعدها سوى التغيير الى الافضل واللى شعبنا الغلبان مستنيه من حكومتنا دى او من اى حكومه جديده

 
At 11:32 PM, Blogger 7ader said...

خلتيني اضحك من كل قلبي علي اغنية ذهب الليلو التقليد
عارفه انا باجي عندك علشان استريح
وانتي فعلا بتفهمي وتقدري
www.halawes.blogspot.com if u need to share me my new blog

 
At 5:23 AM, Blogger change destiny said...

mark twain : ولا حاجة مش بنعمل حاجة احنا اللي عملنا الوحش و احنا اللي حنسيبه ينهشنا
تقدر تقولي بقى بعد ما ابتديت بنفسك و رفضت الفساد البلد لسة متغيرتش ليه
بلاش ناديت اللي حواليك و حاربته صورة الفساد المصغرة اللي حوليك البلد لسة متغيرتش ليه
أقولك أنا ليه عشان ما بني على باطل فهو باطل و أكيد البلد دي عايزة ثورة

ابراهيم : أنا فعلا مش بنام كويس اليومين دول و مواعيدي بقت حاجة غريبة ببقى لسة صاحية لغاية الساعة سابعة و أصحى على تسعة أو عشرة

admelmasry : بعبع يا عم بعبع

mr lonely : و ليه تزهق من الحكومة ما تغيرها

7ader :مبسوطة انك استريحت .. عقبالي . و مبروك البلوج الجديد

 
At 10:50 PM, Blogger NoOR said...

مٌر الكــــلام
زى الحســـام
يقطع مكان ما يمر
اما المديح سهل ومريح
يخدع صحيح ويغٌر
والكلمة دين
من غير إيدين
بس الوفا
ع الحر

ده كلام عمنا نجم اللي بيعبر بكل وضوح الفرق بين الغث و السمين
بس فعلا الوضع بقي ضنك خالص وعلي رأي عمنا نجم

حالتنا تصعب عالغلبان و حالنا ما يسرش انسان لكن يا خلق علينا لسان لو جريناه عالخلق يسيل

 
At 5:08 PM, Blogger ayman_elgendy said...

فلنشعل نار الثورة بداخل الناس....الوعي ثم الوعي ثم الوعي ثم الثورة...اللي حصل عشان القضاة لازم يحصل عشان اي حاجة غلط حتحصل ادام.......الثورة هي الحل

 
At 3:36 AM, Blogger change destiny said...

nour : أهلا بيكي و بنجم

مدونتك جميلة بس يا ريت تسمعينا صوتك زي ما بتسمعينا روائع نجم و مطر

ayman : معاك حق . التعبير عن السخط الثورة

 
At 2:13 AM, Blogger مأمون المغازي said...

مش لازم نغمض عنينا القضية أكبر من ذلك والتلميح أبلغ من التصريح الجرح واحد والسكين في إيد واحد وبلاش نفضل نعام راسه في الرمل و....في الهواء الطلق للي رايح اللي جاي و الفتنة عمرها من عمر مصر والضحية أولاد مصر تتمد الإيد من بعيد تلسعنا القفا نلتفت نهبش في بعض. تيجي نغني لمصر:

باعشق كل ما فيـــــــــــــكِ

أنا باعشق سمار الأرض
وباعشق حتى شوك الورد
وباعشق.....كل مافيكِ
لوابعد....قلبي يناجيكِ
بأجمل معنى في كلامي
وباحلم.....لو ألاقيكِ
قُصادي
أسمع صوت سواقيكِ
عشقتك
عشقت حكاويكِ
حكاية...وحكاية...وحكاية
لو أقدر أغني غناويكِ
لاسمَّع...حتى طوب الأرض
واسمعهم...
يقولولي:
تعيشي يا مصر
ساعتها...لا الغربة تجرحني
ولا غيرك يفرحني
مهو انتِ حبيبتي يا بهية
بازفِّك
والطرب فيَّ
مأصَّل....زي أجدادي
هييجي من بعدي أولادي
يدوقوا سلسبيل نيلك
يغنوا:
تعيشي يا بلادي
ونعشق كل ما فيكِ

في 29/8/2003 المنصورةـ مصر

 
At 10:21 AM, Blogger Sarah said...

الصراحه فعلا الكتب الكلام ده معاه حق

 
At 10:21 AM, Anonymous Anonymous said...

كلام غبى

 
At 7:01 PM, Blogger قلم جاف said...

هيستوريكال باك جراوند :
الأغنية مأخوذة من الـ parody التأليس الشهير على أغنية ذهب الليل وطلع الفجر.. ومتن هذا التأليس الأصلي المقتبسة عنه الأغنية :
ذهب الليل وطلع الفجر والحشاش كركر!

 
At 11:25 PM, Blogger change destiny said...

م أمون المغازي : الكلام حلو بس يا ترى الفعل ايه؟


sarah : معاكم حق

anonymous : طيب ممكن توضح وجهة نظرك أكتر

قلم جاف : شكرا على المعلومة بجد

 
At 12:21 PM, Anonymous Anonymous said...

Cool guestbook, interesting information... Keep it UP
»

 
At 11:25 AM, Anonymous Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

 

Post a Comment

<< Home

-->